एजेन्सी । पछिल्लो दिनहरुमा बक्स अफिसमा साउथ सिनेमाको दबदबा छ । निर्माताले पनि एकपछि अर्को उत्कृष्ट फिल्म ल्याइरहेका छन् । दक्षिण भारतीय सिनेमालाई धेरै सुपरहिट फिल्म दिएका निर्देशक मणिरत्नम यतिबेला आफ्नो आगामी फिल्म ‘पोन्नियन सेल्भान’ (पिएस १) लाई लिएर चर्चामा छन् । यो चलचित्र सेप्टेम्बर ३० मा थिएटरहरूमा लाग्दैछ ।
यो मल्टिस्टार फिल्म हो, जसमा चियान विक्रम, ऐश्वर्या राय, त्रिशा, जयम रवि, कार्थी जस्ता कलाकारहरु एकसाथ देखिनेछन् । यो फिल्म निर्माण गर्न ठूलो बजेट लागेको छ । यतिमात्र नभई फिल्मका कलाकारहरुले पनि मोटो पारिश्रमिक लिएका छन् । यसै सन्दर्भमा फिल्मका स्टारकास्टले कति पारिश्रमिक लिएका छन् भन्नेबारे जानकारी लिऔँ ।
ऐश्वर्या राय
ऐश्वर्या राय लामो समयपछि फिल्म पोन्नियिन सेल्वनबाट पर्दामा कमब्याक गर्दैछिन् । जानकारी अनुसार ऐश्वर्याले ‘पीएस१’ को लागि करिब १० करोड भारु पारिश्रमिक लिएकी छिन् ।
प्रकाश राज
दिग्गज अभिनेता प्रकाश राज सिनेमाका अनुभवी कलाकार हुन् । उनले बलिउडदेखि साउथ सिनेमामा पनि आफ्नो पहिचान बनाएका छन् । उनले पीएस १ मा सुन्दर चोलाको भूमिका खेल्न करिब १ करोड रुपैयाँ लिएका छन् ।
शोभिता धूलिपाला
दक्षिण भारतीय सिनेमाकी चर्चित अभिनेत्री शोभिता धुलिपाला फिल्ममा राजकुमारी कुन्दवईको भूमिका निर्वाह गर्दैछिन् । पारिश्रमिकको कुरा गर्दा अभिनेत्री शोभिताले यो फिल्मका लागि २.५ करोड पारिश्रमिक लिएको जानकारी छ ।
ऐश्वर्या लक्ष्मी
अभिनेत्री ऐश्वर्या लक्ष्मी फिल्ममा पुन्गुझालीको भूमिकामा देखिनेछिन् । जानकारीका अनुसार उनले यो फिल्मका लागि १.५ करोड लिएकी छन् ।
जयम रवि
अभिनेता जयम रवि पनि साउथ सिनेमामा सशक्त भूमिका निभाउनका लागि परिचित छन् । फिल्ममा उनी महत्वपूर्ण भूमिकामा देखिने भएका छन् तर उनको भूमिकाको बारेमा भने जानकारी आएको छैन । हाल उनले यो फिल्मका लागि ८ करोड भारु लिएको जानकारी छ ।
चियान विक्रम
साउथका कयौं सुपरहिट फिल्ममा आफ्नो क्षमता प्रमाणित गरिसकेका चियान विक्रमले यस फिल्मका लागि सबैभन्दा धेरै पारिश्रमिक लिएका छन् । यस फिल्ममा उनले करिकालनको भूमिका निर्वाह गर्न करिब १२ करोड रुपैयाँ पारिश्रमिक लिएका छन् ।
कार्थी
फिल्ममा अभिनेता कार्थीको प्रवेश निकै विशेष छ । यो फिल्ममा उनी वल्वर रायन विन्दियादेवनको भूमिकामा देखिनेछन् । यसका लागि अभिनेता कार्तीले करिब ५ करोड रुपैयाँ लिएका छन् ।
