काठमाडौँ । सत्तारुढ घटक नेपाली कांग्रेसको पदाधिकारी बैठक आज बस्दैछ । प्रधानमन्त्रीको सरकारी निवास बालुवाटारमा दिउँसो बैठक बस्न लागेको हो ।
बैठकमा समानुपातिक बन्द सूचीमा भइरहेको विवाद, सच्याउनुपर्ने नाम तथा गठबन्धनभित्र जारी छलफलबारे समिक्षा गरिनेछ ।
यसअघि मंगलबार बिहान महामन्त्रीद्वय गगन थापा र विश्वप्रकाश शर्माले सभापति शेरबहादुर देउवासँग छलफल गरेका थिए । त्यस क्रममा पार्टीमा देखिएको विवादको विषयमा छलफल भएको थियो ।
आगामी ४ मंसिरमा हुने निर्वाचनलाई लिएर सत्ता गठबन्धनका दलहरूबीच सिट बाँडफाँटको विषयमा पछिल्लो समय नेपाली कांग्रेसभित्रै विवाद बढ्दै गरेको छ ।
कांग्रेसका संस्थापन इतर नेताहरूले सिट बाँडफाँटमा पार्टीले गठबन्धनका अन्य दलहरूसँग सम्झौता गर्न नहुने भन्दै सभापति देउवालाई दबाब दिँदै आएका छन् ।
