काठमाडौँ । पूर्वमन्त्री तथा जनता समाजवादी पार्टीका नेता खोभारी राय नेकपा (एमाले) मा प्रवेश गरेका छन् ।
एमाले अध्यक्ष केपी शर्मा ओली र महासचिव शंकर पोखरेलले आइतबार अध्यक्षको निवास बालकोट पुगेका पूर्व मन्त्री रायलाई पार्टीमा स्वागत गरे ।
उनीसँगै जसपाका सुनितादेवी यादव , धीरेन्द्र राय, राजमोहन राय, रामप्रवेश राय पनि एमालेमा प्रवेश गरेका छन् ।
यसैगरी जसपाका केन्द्रीय कार्यकारिणी समितिका सदस्य प्रतिनिधि सभाका निवर्तमान सांसद अमृता अग्रहरी आइतबार बालकोट पुगेर एमालेमा प्रवेश गरेकी थिइन् ।
