तनहुँ । बलात्कार मुद्दाको पुर्पक्षका लागि तनहुँ कारागारमा रहेका अभिनेता पल शाहको आइतबार तनहुँ जिल्ला अदालतमा हुने भनिएको सुनुवाइ स्थगित भएको छ ।
गोलाप्रथा गर्दा उनको मुद्दाको सुनुवाइ पहिलो नम्बरमा परेको थियो । तर, न्यायाधीश हरिश्चन्द्र ढुंगाना काठमाडौंमा भएकाले सुनुवाइ स्थगित भएको हो ।
सोही प्रकृतिको मुद्दामा गत साता नवलपुर जिल्ला अदालतले शाहलाई सफाइ दिए पनि बाल यौन दुरुपयोगमा दोषी ठहर गर्दै साढे दुई वर्ष कैद सजाय र १० लाख रुपैयाँ जरिवानाको फैसला सुनाएको छ ।
