काठमाडौं । निलम्बित प्रधानन्यायाधीश चोलेन्द्रशमशेर जबराविरुद्धको महाअभियोगका विषयमा निष्कर्ष लेख्ने जिम्मा महाअभियोग सिफारिस समितिका ज्येष्ठ सदस्य रामबहादुर विष्टलाई दिइएको छ ।
शनिबार दिउँसो सुरु भएको बैठकमा जबरालाई महाअभियोग लगाउने वा नलगाउने विषयमा सत्तारुढ र प्रतिपक्षी दलका सांसदहरुबीच विवादकाबीच समितिको अध्यक्षता गरिरहेका ज्येष्ठ सदस्यलाई प्रतिवेदनको निष्कर्ष लेख्ने जिम्मा दिइएको हो ।
सभापतिले दिएको निष्कर्षमा सबै सदस्यको सहमति रहेमा एकमतले पारित गरिने र सहमति नरहेमा पुनः छलफल हुने बताइएको छ ।
