काठमाडौँ । नेपाल छैटौँ संस्करणको महिला साफ च्याम्पियनसिपको फाइनलमा प्रवेश गरेको छ । त्रिपुरेश्वरस्थित दशरथ रंगशालामा भर्खरै सम्पन्न खेलमा नेपालले भारतलाई १–० गोलले पराजित गर्दै फाइनलमा पुगेको हो ।
नेपालका लागि रश्मीकुमारी घिसिङले मध्यान्तर अघिको इन्जुरी समयमा गरेको गोल नै निर्णायक गोल हुन पुग्यो । महिला साफ च्याम्पियनसिपको इतिहासमा नेपालले भारतलाई हराएको यो नै पहिलो पटक हो ।
आजै सम्पन्न पहिलो सेमिफाइनलमा भुटानलाई ८–० गोलअन्तरले हराउँदै बङ्गलादेश फाइनलमा प्रवेश गरिसकेको छ ।
अब उपाधिका लागि नेपालले सोमबार बंगलादेशसँग प्रतिस्पर्धा गर्नेछ ।
