काठमाडौं । लोकतान्त्रिक समाजवादी पार्टी (लोसपा) का प्रमुख सचेतक उमाशंकर अरगरिया एमालेमा प्रवेश गर्ने भएका छन् ।
एमाले अध्यक्ष केपी शर्मा ओलीले उनलाई पार्टी प्रवेश गराउन लागेका हुन् ।
धनुषा–२ बाट निर्वाचित सांसद अरगरिया असोज ८ गते एमाले प्रवेश गर्ने बताइएको छ । तत्कालीन समाजवादी पार्टीबाट २०७४ सालको प्रतिनिधिसभा सदस्य निर्वाचनमा उनी लोसपाका सचेतकको जिम्मेबारीमा थिए ।
राष्ट्रिय जनता पार्टी (राजपा) सँग एकता गरी बनेको जनता समाजवादी पार्टी विभाजन हुँदा उनले लोसपा रोजेका थिए ।
