काठमाडौँ । आगामी मंसिर ४ गते हुने प्रतिनिधिसभा सदस्य निर्वाचनका लागि राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देन झापा क्षेत्र नं ३ बाट सर्वसम्मत उम्मेदवार सिफारिस हुनुभएको छ ।
राप्रपाले नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीको निर्वाचन क्षेत्र झापा–५ मा भने प्रतिनिधिसभा सदस्यका लागि कसैलाई उम्मेदवार तय गरेको छैन । पार्टीले अन्य निर्वाचन क्षेत्रमा भने उम्मेदवार सिफारिस गरेको छ ।
अघिल्लो प्रतिनिधिसभा निर्वाचनमा राप्रपा र एमालेले झापाको निर्वाचन क्षेत्र नं ३ र ५ मा चुनावी तालमेल गरेर उम्मेदवारी दिएका थिए । झापा–३ बाट राप्रपा अध्यक्ष लिङ्देख र निर्वाचन क्षेत्र नं ५ बाट एमाले अध्यक्ष ओली निर्वाचित हुनुभएको थियो ।
यसपालिको निर्वाचनमा पनि ती दुई क्षेत्रमा राप्रपा र एमालेले चुनावी तालेमेल गर्ने अनुमान गरिएको छ ।
