काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले राष्ट्रिय प्रजातान्त्रिक विद्यार्थी संगठनको संयोजक पदमा जेपी बगालेलाई मनोनयन गर्नुभएको छ ।
पार्टी प्रवक्ता मोहन श्रेष्ठले आज जारी गर्नुभएको प्रेस विज्ञप्तिअनुसार राप्रपा अध्यक्ष लिङ्देनले पार्टीको विधानबमोजिम गोरखाका बगालेलाई राष्ट्रिय प्रजातान्त्रिक विद्यार्थी संगठनको संयोजकमा मनोनयन गर्नुभएको हो ।
बगालेको नेतृत्वको राष्ट्रिय प्रजातान्त्रिक विद्यार्थी संगठन कार्यसमितिलाई महाधिवेशन गर्ने जिम्मेबारीसमेत दिइएको छ । नयाँ कार्यसमितिलाई आगामी असोज मसान्तसम्ममा संगठनको महाधिवेशन गर्ने जिम्मेवारी दिइएको प्रवक्ता श्रेष्ठले बताउनुभयो ।
