काठमाडौँ । कलाकार कुमार कट्टेल उर्फ ‘जिग्री ब्रो’ले प्रतिनिधिसभा निर्वाचनमा उम्मेदवारी दिने भएका छन् ।
उनले झापा क्षेत्र नम्बर– ५ बाट प्रतिनिधिसभा सदस्य निर्वाचनमा स्वतन्त्र उम्मेदवारी दिने भएका हुन् ।
सो निर्वाचन क्षेत्र नेकपा एमालेका अध्यक्ष केपी शर्मा ओलीको रहेको छ । उनले त्यही क्षेत्रबाट स्वतन्त्र उम्मेदवारी दिने तयारी गरेका हुन् ।
कट्टेलले आफू निर्वाचनको तयारीमा रहेको भए पनि उम्मेदवारीको औपचारिक घोषणा भने नगरेको बताएका छन् ।
आफू मतदाता रहेको निर्वाचन क्षेत्र झापा ५ बाट उम्मेदवारी दिने घोषणा चाँडै गर्ने उनको भनाई छ । उनको उम्मेदवारीको प्रचार–प्रसार सामग्री भने सामाजिक संजालमा चर्चामा आइसकेको छ ।
