काठमाडौँ । प्रहरीले फेसबुक ‘ह्याक’ गरेर रकम ठगी गर्ने एक जनालाई पक्राउ गरेको छ ।
नेपाल प्रहरीको साइबर ब्युरोले विभिन्न व्यक्तिका फेसबुक ह्याक गरेर उनीहरूका आफन्त, साथी तथा सहकर्मीसँग च्याटमार्फत डिजिटल माध्यमबाट पैसा पठाउन लगाउने मोरङको पथरी शनिश्चरे नगरपालिका १० मंगलबारेका २० वर्षका किरण पाठकलाई बुधबार पक्राउ गरेको हो ।
प्रहरीका अनुसार पाठकले झन्डै २० जनाबाट रकम असुली गरेको पाइएको छ । उनले ठगी गरेकाहरू अझै पनि सम्पर्कमा आइरहेकाले पीडितको सङ्ख्या बढ्न सक्ने प्रहरीको भनाई छ ।
पक्राउ परेका पाठकलाई काठमाडौँ जिल्ला अदालतबाट पाँच दिनको म्याद थप अनुमति लिएर अनुसन्धान भइरहेको प्रहरीले जनाएको छ ।
