नेपाली कांग्रेसका दिवंगत नेता प्रदीप गिरीको पार्थिव शरीरमा नेकपा ९माओवादी केन्द्र० का अध्यक्ष पुष्पकमल दाहाल प्रचण्डले श्रद्धाञ्जली व्यक्त गर्नुभएको छ ।
कांग्रेस केन्द्रीय सदस्य एवं प्रतिनिधिसभा सदस्य गिरीको पार्थिव शरीरलाई अहिले पार्टी केन्द्रीय कार्यालय सानेपामा श्रद्धाञ्जली व्यक्त गर्नका लागि राखिएको छ । अध्यक्ष प्रचण्डले सानेपामा पुगेर गिरीको पार्थिव शरीरमा माल्यार्पण गर्दै श्रद्धाञ्जली व्यक्त गर्नुभएको हो ।
श्रद्धाञ्जलीपछि सञ्चारकर्मीसँग सङ्क्षिप्त प्रतिक्रिया दिँदै अध्यक्ष प्रचण्डले समाजवादी चिन्तक गिरीले समाज रुपान्तरणका लागि ठूलो योगदान पु-याउनुभएको बताउनुभयो । उहाँले भन्नुभयो, “बौद्धिक व्यक्तित्वका रुपमा स्थापित गिरी राजनीतिक प्रेरणाको स्रोत हुनुहुन्थ्यो ।”
देशलाई रुपान्तरणकारी ढङ्गबाट अघि बढाउन स्पष्ट दृष्टिकोण दिनुहुने सांसद गिरीको निधनले असल राजनीतिज्ञको अभाव खड्किएको उहाँको भनाइ थियो । “गिरीको योगदानबाट प्रेरणा र शिक्षा लिनुपर्छ । राजनीतिलाई उहाँले सदैव समाजसेवामा मात्र प्रयोग गर्नुभएको थियो”, अध्यक्ष दाहालले भन्नुभयो ।
उहाँको आजै पशुपतिस्थित आर्यघाटमा अन्त्येष्टि हुने कार्यक्रम छ ।
नेता गिरीको ललितपुरस्थित मेडिसिटी अस्पतालमा शनिबार राति ९ः३० बजे निधन भएको थियो । क्यान्सरको उपचार गराएर मुम्बईबाट फर्कनुभएका गिरीलाई निमोनिया देखिएपछि मेडिसिटीमा उपचार भइरहेको थियो ।
