काठामाडौँ । नेपाली कांग्रेसका सभापति एव प्रधानमन्त्री शेरबहादुर देउवाले पार्टीका केन्द्रीय सदस्य प्रदीप गिरीको पार्थिव शरीरमा पार्टीको झण्डा ओढाएर श्रद्धाञ्जलि व्यक्त गर्नुभएको छ ।
पार्टी केन्द्रीय कार्यालय सानेपामा नेता गिरीको पार्थिव शरीरलाई श्रद्धाञ्जलिका लागि राखिएको छ ।
उहाँको आजै पशुपतिस्थित आर्यघाटमा अन्त्येष्टि हुनेछ ।
प्रतिनिधिसभा सदस्य समेत रहनुभएका गिरीको शनिबार राति ९ः३० बजे ललितपुरस्थित मेडिसिटी अस्पतालमा निधन भएको थियो । क्यान्सरको उपचार गराइरहनुभएका गिरीलाई निमोनिया भएपछि सो अस्पतालमा भर्ना गरिएको थियो ।
तस्बिरः प्रदीपराज वन्त-रासस
