काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नेपाली कांग्रेसका नेता प्रदीप गिरिको स्वास्थ्य अवस्थाबारे जानकारी लिएका छन् ।
प्रचण्डकी स्वकीय सचिव गंगा दाहालका अनुसार ललितपुरस्थित मेडिसिटी अस्पताल पुगेर प्रचण्डले गिरिको स्वास्थ्य अवस्थाबारे जानकारी लिएका हुन् ।
दाहालले फेसबूकमा लेखेकी छन्, ‘अध्यक्ष कमरेड प्रचण्डद्वारा ललितपुरस्थित मेडिसिटी अस्पताल पुगेर स्वास्थ्य उपचार गराइरहनुभएका नेपाली कांग्रेसका आदरणीय नेता प्रदीप गिरिको स्वास्थ्य अवस्थाबारे जानकारी लिनुका साथै स्वास्थ्य लाभको कामना गर्नुभएको छ ।’
गम्भीर स्वास्थ्यअवस्थासँग जुधिरहेका नेता गिरिको स्वास्थ्य थप जटिल बनेको खबर सार्वजनिक भएसँगै प्रचण्ड उनलाई भेट्न अस्पताल पुगेका हुन् ।
