काठमाडौं । प्रेम कथामा आधारित चलचित्र प्रेमगञ्जको प्रिमियर स्क्रिनिङ गरिएको छ । मंगलवार काठमाडौंमा एक कार्यक्रम आयोजना गरेर चलचित्रको प्रिमियर स्क्रिनिङ गरिएको हो ।
भदौ ३ गते देशभर प्रदर्शनीमा आउन लागेको चलचित्रले विवाहपछि पनि कायम रहने प्रेम र संघर्षलाई चित्रण गरेको छ । वान सिनेमाज् मल्टिप्लेक्समा भएको प्रथम प्रदर्शनीमा कलाकार, निर्देशक, निर्माता, सञ्चारकर्मीदेखि फिल्मकर्मी सहभागी थिए ।
चलचित्रमा बेनिशा हमाल र तेज गिरी र सम्पदा बानियाँको मुख्य अभिनय रहेको छ ।
फिल्ममा नरेश ढकाल, रश्मी भट्ट, गीता अधिकारी, सञ्जोग रसाईली, पवन भट्राई र बाल कलाकार आयुषी ढकाल लगायतका कलाकारहरुको अभिनय रहेको छ । परिच्छेद सेनले निर्देशन गरेको यो चलचित्र पहिलो फिचर सिनेमा हो । कार्यक्रममा बोल्दै चलचित्रका अभिनेता तेज गिरीले आफूले परीक्षा दिएको अब दर्शकले नै चलचित्रको उत्तरपुस्तिका परीक्षण गर्ने बताउनु भयो ।
बेनिशासहित तेज गिरी र सम्पदा बानियाँको मुख्य भूमिका रहेको फिल्ममा राइडर प्रशान्त, सुप्रिया खनाल र सिम्रन खनालले डेब्यु गरेका छन् ।
