काठमाडौँ । नेकपा समाजवादी पार्टी (नेसपा) का अध्यक्ष डा बाबुराम भट्टराईले नेकपा (माओवादी केन्द्र) सँग आगामी मंसिर ४ गते हुने प्रतिनिधिसभा र प्रदेशसभा निर्वाचनमा मोर्चा बनाएर एउटै चिह्नमा लड्न प्रस्ताव गरेका छन् ।
भट्टराईल बिहीबार माओवादी केन्द्रका अध्यक्ष पुष्पकमल दाहाल प्रचण्ड र वरिष्ठ उपाध्यक्ष नारायणकाजी श्रेष्ठलाई भेटेर सो प्रस्ताव गरेका हुन् । माओवादीले एकीकृत समाजवादी र जनता समाजवादी पार्टीसँग मिलेर वाम समाजवादी मोर्चा बनाउन छलफल चलाइरहेको छ । जसपाबाट भट्टराई अलग भइसकेका छन् र उनले नेसपा पार्टी गठन गरेका छन् ।
नेसपाका अध्यक्ष भट्टराईसहितका नेताहरुले वाम समाजवादी मोर्चामा सहभागी हुन तयार देखिएको छ । अध्यक्ष भट्टराईले प्रधानमन्त्री शेरबहादुर देउवालाई भेटेर आफ्नो पार्टीलाई गठबन्धनमा सहभागी गराउन आग्रह गरेका थिए ।
