गैँडाकोट । नेपाली काँग्रेसका युवा नेता तथा महासमिति सदस्य गणेश सापकोटाले नेपाली काँग्रेसका नेता डा सशांक कोइरालालाई नवलपुरबाट विदा लिन आग्रह गरेका छन् ।
डा. कोइराला नवलपुरको क्षेत्र नं १ बाट सांसद रही आएका छन् । युवा नेता सापकोटाले डा कोइरालालाई नवलपुरबाट विदा लिन आग्रह गरेका हुन् । उनले भने– अब देश विकासको जिम्मेवारी युवाहरुको काँधमा आएको छ, यहाँ पनि हामी एकसे एक तयार छौँ, तपाइँ अब हाम्रो अभिभावक भएर बस्ने हो, चुनावामा लत्रिने होइन ।
नवलपुर– १ बाट २०६४ सालदेखि लगातार चुनाव जितेर सासंद बनेका कोइरालाले यस क्षेत्रको विकासका लागि ठोस योगदान दिन सकेका छैनन् । त्यसैले डा कोइरालाको अघिल्लो चुनावदेखि नै आलोचना भइआएको छ । उनले जिल्लाको लागि जे गर्छु भनेर चुनाव जितेका थिए विगतका ती कुनै काम पनि गर्न सकेका छैनन् । उनी पार्टीको महामन्त्री भएका थिए । उनलाई नवलपुरबाट नेतृत्व हस्तान्तरण गर्न यसअघि पनि बारम्बार कुरा उठिरेहकामा आज कोइरालालाई युवा नेता सापकोटाले चेतावनी दिएका हुन् ।
नवलपरको गैँडाकोटमा नेविसंघ पालिका समन्वय समिति र शुसील कोइराला सोसलिष्ट युथ सर्कलले आयोजना गरेको विद्यार्थी सम्मान कार्यक्रममा सहभागी डा. कोइरालालाई सोही मञ्चका बक्ता सापकोटाले अब पनि यही क्षेत्रबाट उमेदवार नबन र युवालाई नेतृत्व हस्तान्तरण गर्न आग्रह गरेका हुन् ।
