काठमाडौँ । भगवान् शिवजीलाई मजाक बनाएर बनाइएको टेलिभिजन शो ‘कमेडी हब’ को ट्रेलर हटाइएको छ । आइतबार राति सार्वजनिक गरिएको ट्रेलरमा भगवान् शिवजीलाई मजाकको पात्र बनाइएपछि ट्रेलर विवादित बनेको थियो ।
हास्य कलाकार हास्य कलाकार सीता न्यौपानेले महादेवसँग टिकटक बनाएको भिडिओ ट्रेलरमा राखिएको थियो । कार्यक्रमका निर्देशक केदारप्रसाद घिमिरे ‘माग्ने बुढा’ ले माफी माग्दै ती दृश्य युट्युब, फेसबुक र टिकटकबाट हटाइएको जानकारी दिएका छन् ।
“कमेडी हब कार्यक्रमको एक प्रस्तुतिमा आराध्यदेव महादेवलाई लिएर बनाइएको विषय वस्तुप्रति दर्शक तथा शुभचिन्तकज्यूहरूले देखाउनु भएको प्रतिक्रियाप्रति हाम्रो ध्यानाकर्षण भएको छ । अन्जानमै हामीबाट भएको त्रुटिप्रति सम्पूर्ण दर्शकज्युहरू समक्ष हामी क्षमा माग्दछौँ”, घिमिरेले लेखेका छन् ।
