काठमाडौं । अर्थमन्त्री जनार्दन शर्मामाथि छानबिन गर्न गठित संसदीय विशेष समितिले फरक मत सहितको प्रतिवेदन तयार पारेको छ ।
समितिले तयार पारेको प्रतिवेदनमा सत्तापक्षमा रहेका सांसदहरुले ‘प्रमाण नभेटिएको’ राय दिएका छन् भने एमालेका सासंदहरुले यो छानबिन आफैंमा पर्याप्त नभएको उल्लेख गरेका छन् ।
समितिले तयार पारेको प्रतिबेदनमा फरक मतलाई समेत राखेर शुक्रबार सभामुख अग्नि सापकोटालाई बुझाउने भएको छ ।
