काठमाडौं । गृह मन्त्रालयले प्रधानमन्त्री शेरबहादुर देउवाका स्वकीय सचिव भानु देउवाका ज्वाइँ दिपेन्द्र कुँवरलाई प्रहरी वरिष्ठ उपरीक्षक (एसएसपी) मा बढुवाका लागि सिफारिस गरेको छ ।
मन्त्रालयले दुई नम्बर ज्येष्ठतामा क्रममा राखेर आइतबार उनलाई बढुवा गरेको हो ।
हाल १ नम्बरमा बढुवा भएका प्रविण कँडेल नेपाल प्रहरीबाट स्थान्तरण भएर आएका अधिकृत हुन् । जसकारण कुँवर आफ्नो ब्याचमा एक नम्बरमा उक्लिएका छन् ।
कुँवर कायममुकायम एसएसपी र प्रहरी उपरीक्षक (एसपी) हुँदा ११ नम्बरमा थिए भने सशस्त्र प्रहरी निरीक्षकका रुपमा भर्ना हुँदा उनी ७५ जनामा अन्तिम पाँचमा थिए ।
उनलाई १ नम्बरमा बढुवा सिफारिस गर्न गृहमन्त्री बालकृष्ण खाण समेत सकरात्मक नरहेको तर बालुवाटारको दबावमा उनी शीर्ष स्थानमा बढुवा सिफारिसमा परेको स्रोतले बतायो ।
