• २१ बैशाख २०८१, शुक्रबार
  •      Fri May 3 2024
  •   Unicode
Logo
Latest
★   सार्वजनिक सेवा प्रशारण फेरि मन्त्रालयको हालीमुहाली हुनेगरी अघि बढेको छ: नेता रिजाल ★   सूचनाका श्रोत फराकिलो भएपनि विचारहरु संकुचित हुँदैछन्: प्रमुख सचेतक परियार ★   गण्डकीका मुख्यमन्त्री अधिकारीले वैशाख २३ गते विश्वासको मत लिने ★   मुग्लिन–पोखरा सडकको पूर्वी खण्डमा १३ पुल निर्माण ★   रासायनिक विषादीको प्रयोग घटाउन ‘आइपिएम’ कृषक पाठशाला ★   गर्मी बढेपछि बालबालिकामा सङ्क्रामक रोगको समस्या बढ्यो ★   दुई महिनामै बन्द हुँदै कपिल शर्माको कमेडी शो ★   आम सञ्चार विधेयक चाँडै मन्त्री परिषद्मा पेश हुँदैछ: मन्त्री शर्मा ★   ग्लोबल आइएमई बैंकको प्लास्टिक खपत न्यूनीकरणमा प्रतिबद्धता, प्लास्टिकको खपत कम गरिने ★   जापान पठाइदिने प्रलोभनमा २ सय भन्दा बढीलाई ठगी गर्ने गिरोह पक्राउ

माओवादी केन्द्रीय समिति बैठक: एमसीसीबारे चुनावपछि बहस



काठमाडौँ । नेकपा (माओवादी केन्द्र) ले अमेरिकी सहयोग परियोजना (एमसीसी) बारे आगामी प्रतिनिधिसभा र प्रदेशसभापछि मात्र पार्टीभित्र बहस गर्ने भएको छ ।

पार्टी केन्द्रीय समितिको जारी बैठकमा पार्टी अध्यक्ष पुष्पकमल दाहाल प्रचण्डले एमसीसीबारे आम निर्वाचनपछि विशेष बहस गर्ने बताउनुभएको हो ।

प्रतिनिधिसभाको बैठकले एमसीसीलाई १२ बुँदे व्याख्यात्मक घोषणासहित पारित गरेको थियो । माओवादी केन्द्रमा एमसीसीको खुलेर विरोध गर्ने नारायणकाजी श्रेष्ठ समूहको नेताहरुको असन्तुष्टिलाई शान्त पार्न अध्यक्ष प्रचण्डले स्थानीय निर्वाचनपछि एमसीसीबारे पार्टीमा छलफल गर्ने र फरक मत आए तल्लो तहसम्मै लैजाने सहमत गराउनुभएको थियो ।

साथै केन्द्रीय समितिको बैठक जेठ २० गते बस्ने निर्धारण गरिएको थियो तर पटकपटक मिति सर्दै यही असार १९ गते केन्द्रीय समितिको बैठक सुरु भयो । अध्यक्ष प्रचण्डले जारी बैठकमा एमसीसीलाई एजेन्डामै पार्नुभएन । अहिले उहाँले यसलाई आम निर्वाचनपछि बहस चलाउने बताउनुभएको छ ।