काठमाडौं । ‘मिस नेपाल २०२२’ को ग्रान्ड फिनाले आज शनिबार हुँदैछ ।
कोरोना महामारीको कारण अघिल्लो २ वर्ष रोकिएको मिस नेपालको ग्रान्ड फिनाले यसपालि भौतिक उपस्थितिमा ललितपुरको गोदावरीमा आयोजना हुँदैछ ।
ग्रान्ड फिनालेमा २४ जना सुन्दरीले ताजका लागि प्रतिस्पर्धा गर्दैछन् । ८ सय जना सहभागी मध्ये २४ जना फाइनलका लागि छानिएका हुन् । यस्तै, ९ वटा सब–टाइटलको विजेतासमेत आजै घोषणा गरिने तयारी छ । यसपटक मिस नेपाल वर्ल्ड, मिस नेपाल इन्टरनेसनल र मिस नेपाल अर्थ छानिने छन् । बिजेतालाई मिस नेपाल नम्रता श्रेष्ठले ताज पहिर्याइदिनेछिन् ।
