काठमाडौँ । नेकपा (एमाले) का नेता भीम रावलले सरकारलाई अमेरिकाको स्टेट पार्टनरसीप प्रोग्राम (एसपीपी) मा सहभागी नहुनेबारे अमेरिकालाई पत्र लेख्न सुझाव दिनुभएको छ ।
प्रतिनिधिसभाको अन्तर्राष्ट्रिय सम्बन्ध समितिको शुक्रबारको बैठकमा उहाँले नेपाल एसपीपीमा सहभागी नहुन पनि सक्छ भनिसकेकाले नेपाल एसपीपीमा सहभागी हुँदैन भनेर परराष्ट्रमन्त्रीले अमेरिकालाई पत्र पठाउनुपर्ने बताउनुभयो ।
बैठकमा नेता रावलले एसपीपी अमेरिकाको इन्डो प्यासिफिक स्ट्राटिजी (आईपीएस) कै अंग भएको जिकिर गर्नुभयो ।
