काठमाडौँ । अमेरिकी सेनाको स्टेट पार्टनरसीप प्रोग्राम (एसपीपी) मा सहभागी हुनका लागि सन् २०१५ मा पत्राचार गरेको विषयलाई नेपाली सेनाले स्वीकार गरेको छ । सो पत्र पनि पठाइएको र सन् २०१७ पनि यसको ‘फलोअप’ स्वरुपको सोही व्यहोराको पत्र पठाइएको नेपाली सेनाका प्रवक्ता नारायण सिलवालले जानकारी दिनुभयो ।
तर पनि त्यो सम्झौताका लागि गरिएको पत्राचार कुनै सम्झौता वा सैन्य गठबन्धनका लागि भने नभएको सेनाको भनाई छ । सेनाका प्रवक्ता सिलवालले नेपाली सेनाको सो पत्राचार कुनै पनि सैन्य गठबन्धनका लागि नभएर पूर्णतः विपद व्यवस्थापनको क्षेत्रमा सहयोगका लागि गरिएको बताउनुभयो ।
नेपालमा भूकम्पका कारण आक्रान्त भएको तथा उद्दार र राहतका लागि विभिन्न देशबाट सेना पनि आएकाले त्यतिनै बेला हामीले विपद्को सहायताका लागि भन्दै सो साम्झौताको पत्राचार गरेको स्पष्ट गर्नुभयो ।
