काठमाडौँ । एउटा बैंकको एटीएम कार्ड प्रयोग गरी अर्को बैंकको एटीएमबाट पैसाँ झिक्दा शुल्क नलिने भएको छ ।
बैंकहरुले जथाभावी शुल्क लिएको पाइएपछि राष्ट्र बैंकले शुल्क सम्बन्धी नयाँ व्यवस्था लागू गर्दै एटीएम भुक्तानीबारे नयाँ व्यवस्था लागू गरेको हो ।
स्वदेश भित्र कुनै पनि बैंकले जारी गरेको एटीएम कार्डबाट अर्को बैंकको एटीएमबाट पैसा झिक्दा बढीमा २० रुपैयाँमात्र शुल्क लिन पाइने व्यवस्था गरेको निर्देशिकामा उल्लेख गरिएको छ ।
उक्त शुल्क एक महिनामा दुई पटकभन्दा धेरै कारोबार गरेमात्र लिन पाइने भएको हो । महिनामा दुई पटकसम्म भने कुनै शुल्क लिन नपाइने राष्ट्र बैंकले जनाएको छ ।
