एजेन्सी । हालै बलिउड अभिनेता सलमान खानका पिता सलीम खानलाई ज्यान मार्ने धम्कीको पत्र आएको थियो । उक्त पत्रमा ‘सिद्धु मुसेवालाजस्तो अवस्था’ गर्ने चर्चा थियो ।
पत्र पाएपछि मुम्बई प्रहरीले सुरक्षा कारबाही बढाएको छ । अभिनेताको घरबाहिर सुरक्षा व्यवस्था कडा पारिएको छ । यस्तै, सलमानको सुरक्षा पनि कडा पारिएको छ ।
अभिनेता हाल हैदराबादमा आफ्नो आगामी फिल्म ‘कभी ईद कभी दिवाली’ (जसको नाम बदलेर ‘भाइजान’ राखिएको छ) को सुटिङमा व्यस्त छन् ।
मिडिया रिपोर्टका अनुसार ‘कभी ईद कभी दिवाली’ को सेटमा सुरक्षा व्यवस्था तीन गुणा बढाइएको छ । जताततै छानबिन भइरहेको छ । प्रत्येक सदस्य प्रवेश र बाहिर जाँदा स्क्रीनिंग गरिन्छ । चाहे त्यो जो सुकै होस् । सलमान खान आगामी २५ दिनसम्म हैदराबादमा फिल्मको शुटिङ गर्दैछन्, जसमा उनी अभिनेत्री पूजा हेगडेसँग देखिनेछन् ।
