दिल्ली । आज भारतमा २ करोड डोज कोरोनाविरुद्धको खोप लगाएर विश्व कीर्तिमान राखिने भएको छ । भारतीय प्रधानमन्त्री नरेन्द्र मोदीको ७१ औं जन्मदिनको अवसरमा २ करोड डोज कोरोनाविरुद्धको खोप लगाएर विश्व कीर्तिमान राखिने तयारी भएको हो । त्यस्तै गंगा नदीमा ७१ हजार माछा छाडिने कार्यक्रम पनि मोदीको जन्मदिनको अवसरमा गरिने भएको छ ।
भाजपाले आफ्ना कार्यकर्तालाई खोप लगाउने उक्त लक्ष्यमा सघाउन निर्देशन दिएको छ ।
२ करोड डोज खोप लगाएर प्रधानमन्त्रीलाई जन्मदिनको उपहार दिने तयारी भएको भारतका स्वास्थ्य मन्त्रालयले जनाएको हो । यता मोदीको ७१ औं जन्मदिनको अवसरमा नेपाली समकक्षी प्रधानमन्त्री शेरबहादुर देउवाले पनि शुभकामना दिएका छन् ।
