काठमाडौ । काठमाडौँ महानगरपालिकाको प्रमुख र उपप्रमुखको मतगणना सकिएको छ । महानगरपालिकाको अन्तिम वडा वडा नं १४ रहेकामा सो वडाको परिणाम आजै साँझ घोषणा भएको छ ।
निर्वाचन आयोगले आज नै प्रमुख र उपप्रमुखको परिणाम घोषणा गर्ने तयारी गरेको भए पनि शुक्रबार बिहान मात्र परिणाम घोषणा गर्ने भएको हो ।
काठमाडौँका प्रमुख निर्वाचन आयुक्तले सो परिणाम भोलिमात्र सार्वजनिक गर्ने जनाएको छ । घोषणा गर्न बाँकी रहेको मत परिणामअनुसार प्रमुखमा बालेन साह र उपप्रमुखमा सुनिता डंगोल बिजयी भएका छन् ।
उता प्रमुखका विजयी बालेन साहको समूहले भोलि बिहान मात्र विजय यात्रा गर्ने जनाएको छ । उनीहरुले भोलि बिहान साढे छ बजे राष्टिय सभागृहबाट विजय र्याली गर्ने जनाएका छन् ।
