काठमाडौं । आज बोलाईएको प्रतिनिधिसभाको बैठक असोज १९ गते दिउँसोको १ बजे बस्नेगरि स्थगित भएको छ । आजको बैठक पनि एमाले साँसदहरुद्वारा अवरोध गरिएको थियो । सभामुख अग्निप्रसाद सापकाटाले साँसदहरुलाई संसदीय मयार्दा पालन गर्दै आफ्नो स्थानमा बस्न एमाले साँसदहरुलाई आग्रह गरेका थिए तर पनि नाराबाजी शुरु भएको हो ।
बैठक आरम्भ भएलगत्तै एमाले साँसदहरु आफ्ना स्थानबाट उठेर रोस्टमतर्फ बढेका थिए । एमाले साँसदहरुले 'संसदीय मर्यादा पालन गर…, संवैधानिक सर्वोच्चता कायम गर…' भन्ने जस्ता नाराहरु लगाईरहेका थिए ।
यद्यपी सभामुख सापकाटाले नाराबाजीकै बिच राष्ट्रपतिको कार्यालयबाट प्राप्त अध्यादेश खारेज र विधेयक प्रमाणीकरण सम्बन्धी पत्रहरुको व्यहोरा पढेर सुनाए । त्यस्तै आजको बैठकमा वार्षिक प्रतिवेदन पेशमा प्रधानमन्त्री श्री शेरबहादुर देउवाको तर्फबाट कानुनमन्त्री ज्ञानेन्द्र बहादुर कार्कीले 'महालेखा परीक्षकको अन्ठाउन्नौं वार्षिक प्रतिवेदन, २०७८ ' पेश भएको छ ।
