काठमाडौं । छैटौं संस्करणको एनभीए महिला तथा पुरुष क्लब भलिबल च्याम्पियनसिप अन्तर्गत पुरुषतर्फको उपाधि त्रिभुवन आर्मी क्लबले जितेको छ ।
त्रिपुरेश्वरस्थित राखेप कभर्डहलमा शनिबार भएको फाइनलमा साविक विजेता हेल्प नेपाललाई ३–१ को सेटमा पराजित गर्दै उपाधिमाथि कब्जा जमाएको हो ।
खेलमा आर्मीले पहिलो सेट २६–२४ ले जित्दा हेल्प नेपालले दोस्रो सेट २५–१७ ले आफ्नो बनायो ।
तेस्रो सेटमा आर्मीले २५–१८ ले आफ्नो पक्षमा पार्दा त्यसपछि चौंथो सेटमा ३३–३१ को संघर्षपूर्ण जित निकाल्दै आर्मी च्याम्पियन बनेको हो ।
च्याम्पियनसिपको महिला र पुरुष दुबै तर्फको विजेताले ४ लाख प्राप्त गरे । यस्तै उपविजेताले २ लाख प्राप्त गरे भने तेस्रोले १ लाख पुरस्कार पाए ।
यो पनिः एपीएफलाई हराउँदै न्यु डायमन्डले जित्यो महिलातर्फको एनभीए भलिबलको उपाधि
