दुबइ, १० असाेज – भारत र अफगानिस्तानबीच मंगलबार राति भएकाे क्रिकेट प्रतिस्पर्धा बराबरीमा सकिएकाे छ । एसिया कप क्रिकेट अन्तरगतकाे यस खेलमा दुवै टिमले समान २५२ रन बनाएका थिए ।
निकै राेमाञ्चक देखिएकाे यस खेलमा टस जितेर पहिले ब्याटिङ गरेकाे अफगानिस्तानले निर्धारित ५० अाेभरमा ८ विकेट गुमाएर २५२ रन बनाएकाे थियाे । अफगानिस्तानका लागि माेहम्मद साहजादले सर्वाधिक १२४ रन बनाएका थिए । अर्का खेलाडी माेहम्मद नबीले पनि ६४ रनकाे महत्वपूर्ण पाली खेलेका थिए ।
जवाफमा २५३ रनकाे मध्यम लक्ष्य लिएर मैदानमा उत्रिएकाे भारतले राम्राे सुरूवात गरेकाे थियाे । एसिया कपका लागि कप्तान ताेकिएका राेहित शर्मा र अाेपनिङ ब्याट्सम्यान शिखर धवन बेगर मैदानमा उत्रिएकाे भारतका लागि केएल राहुल र अम्बाटी रायडूले प्रारम्भिक ब्याट्सम्यानका रूपमा भूमिका निर्वाह गरेका थिए ।
भारतले ४९.५ अाेभरमा अलअाउट हुँदै २५२ रनमात्र बनाएकाे थियाे ।
याे बराबरीसँगै भारत सुपर ४ काे अंक तालिकामा सबैभन्दा माथि पुगेकाे छ ।
सुपर ४ काे नतिजा
१. भारत (५ अंक)
२. पाकिस्तान (२ अंक)
३. बंगलादेश (२ अंक)
४. अफगानिस्तान (१ अंक)
अाज बंगलादेश र पाकिस्तानबीच अबुधाबीमा खेल हुनेछ । यी दुइमध्येकाे विजयी टाेली फाइनल खेलका लागि छनाैट हुनेछ ।
फाइनल खेल भारत एवं बंगलादेश वा पाकिस्तानबीचकाे विजयीसँग यही शुक्रबार दुबइमा हुनेछ ।
