यस सत्रकाे इङ्लिस प्रिमियर लिग सिजनमा अार्सनल र चेल्सीले राम्राे सुरूवात गरेका छन् । अाज भएका खेलमा अार्सनलले फूलह्यामलाइ ५ – १ गाेल अन्तरले पराजित गरेकाे छ । अार्सनलका तर्फबाट अाेउबामेयाङ र लाकाजेटीले २-२ गाेल गरेका थिए भने एक गाेल अाराेन राम्सेले गाेल गरेका थिए ।
फूलह्यामका तर्फबाट एक मात्र गाेल अान्द्रे सुरेलले गरेका थिए ।
अर्काे खेलमा चेल्सीले साउथह्याम्पटनलाइ ३-० गाेलले पराजित गरेकाे छ । चेल्सीका लागि एडेन हजार्ड, रस बार्कले र अल्भाराे माेराटाले एकएक गाेल गरेका थिए ।
याे जितसँगै चेल्सी २० अंक सहित दाेस्राे स्थानमा उक्लिएकाे छ भने अार्सनल १८ अंकसहित चाैथाे स्थानमा पुगेकाे छ ।
अहिले म्यान्चेस्टर सिटी र लिभरपुलबीच खेल जारी छ ।
गएरातिकाे खेलमा म्यान्चेस्टर युनाइटेडले संघर्षपूर्ण खेलमा न्यूक्यासललाइ पराजित गरेर साख जाेगाएकाे छ ।
न्यूक्यासलसँग खेल सुरू भएकाे १० मिनेटभित्रै दुइ गाेल खाएकाे म्यान्यूले अन्ततः ३-२ गाेल अन्तरले खेल जित्याे । म्यान्यूका लागि ९०अाैं मिनेटमा अलेक्सी सान्चेजले अास्ले याेङकाे क्रसमा नाटकीय ढंगबाट गाेल गरेका थिए ।
न्यूक्यासलका तर्फबाट केनेडी र याेसिनाेरी मुटाेले गाेल गरेका थिए । त्यसपछि पहिलाे हाफभित्र खासै प्रभावशाली खेल देखाउन नसकेकाे म्यान्यू अत्तालिएकाे र कमजाेर अवस्थामा देखिएकाे थियाे ।
तर स्थानापन्न खेलाडीका रूपमा मैदानमा प्रवेश गरेका हुँवा माटाले ७०अाैं मिनेटमा फ्रिकिकबाट गाेल गरेका थिए भने त्यसकाे ६ मिनेटपछि एन्थाेनी मार्सियलले गाेल गरेका थिए ।
याे जितसँगै म्यान्चेस्टर युनाइटेड अाठ खेलमा १३ अंकका साथ अाठाैं स्थानमा उक्लिएकाे छ ।
