काठमाडौँ । राष्ट्रिय सभाका सांसद राधेश्याम अधिकारीले शिक्षा आयोगको प्रतिवेदनमा संसदमा पेश गर्न माग गरेका छन्।
राष्ट्रिय सभाको आज बसेको बैठकमा विशेष समयमा बोल्दै अधिकारीले आयोगले प्रतिवेदन बुझाएको महिनौं बित्दा समेत प्रतिवेदन सार्वजनिक नगरिएको प्रति आपत्ति जनाए।
अधिकारीले प्रतिवेदन नै संसदमा सार्वजनिक नगरी कानुन निर्माण अगाडि बढाउन नहुने कुरा राखेका थिए । आयोगको प्रतिवदेनमाथि छलफल नगरी कुनै पनि कानुन ल्याइए मान्य नहुने बताए । उनले शिक्षक, विद्यार्थी, झुपडीदेखि महलमा बस्ने सबैको सरोकार प्रतिवेदनमा रहेको बताए।
‘सदनलाइ गुमराहमा राखेर प्रतिवेदन पेश नगर्नु आश्चर्य र विस्मयको कुरा हो। शिक्षाको कुरा सरकारको मात्रै मन्त्री वा मन्त्रालयको कुरा मात्र भन्ने ठान्नु ज्यादती हो’, अधिकारीले भने।
सरकारले शिक्षा मन्त्रीकै संयोजकत्वमा उच्च स्तरीय शिक्षा आयोग गठन गरेको थियो। आयोगले सरकारलाई प्रतिवेदन बुझाइसकेको छ।
