काठमाडौँ । कृषि सामग्री कम्पनीले प्रधानमन्त्री कृषि आधुनिकीकरण परियोजनालाई २५ करोड रुपैयाँ फिर्ता गरेको छ। कृषि तथा पशुपन्छी विकास मन्त्रालयका प्रवक्ता तेजबहादुर सुवेदीले उक्त रकम फिर्ता गरेको जानकारी दिए।
कम्पनीलाई खरिद गरेर किसानलाई उपलब्ध गराउन रकम दिइएकोमा त्यो काम नगरेपछि
रकम फिर्ता मागिएको हो।
मन्त्रालय स्रोतका अनुसार कृषि तथा पशुपन्छी मन्त्रालयबाट वार्षिक पाउने अनुदानित मलकै कोटामा रहेको स्टकबाट रासायनिक मल वितरण गरी कृषि सामग्रीले थप २५ करोडको नक्कली तथ्य उपलब्ध गराएर परियोजनाको रकम हिनामिना गर्ने नियत राखेको थियो।
रकम उपलब्ध गराउने निकाय प्रधानमन्त्री कृषि आधुनिकीकरण परियोजनाका प्रमुख लक्ष्मण पौडेलले आफैले पनि उक्त रकम बराबरको मल किसानले प्राप्त गरेको पुष्टि हुने गरी ‘यथार्थ कागजात’ फेला नपरेको जानकारी दिएका थिए।
