युवतीहरुमा लोकप्रिय बनेको भिडियो एप टिकटकलाई भारतको एउटा राज्यमा रोक लगाइएको छ । टिकटकका दर्शकहरु कारण बच्चाहरु यौनशोषणको खतरामा रहेको भन्दै बन्द गर्न आदेश दिएको हो ।
मद्रास हाइ कोर्टले आज गरेको फैसला अनुसार चिनीया टिकटकले अश्लिलता बढाएको आरोप लाएको छ । एप विरुद्ध मदुरईका वरिष्ठ वकिल तथा सामाजिक कार्यकर्ता मुथु कुमारले रिट हालेका थिए । अदालतले सञ्चारमाध्यमहरुलाई पनि यो एपमार्फत बनाइएका भिडियोहरु प्रशारण नगर्न भनेको छ ।
टिकटक एपमा प्रयोगकर्ताले केही सेकेन्डको भिडियोमा अभिनय÷नृत्य प्रस्तुत गरेर अपलोड गर्ने गर्छन् । भारतमा यो एपका ५ करोड ४० लाख एक्टिभ यूजर्स छन् ।
नेपालमा पनि टिकटक निकै लोकप्रिय छ ।
