काठमाडौं । भारतका कप्तान विराट कोहलीले यस विश्वकपलाई आफ्नो करियरको सबैभन्दा कठिन परीक्षाको रुपमा लिएको बताएका छन् ।
उपाधिको दाबेदार मानिएको दक्षिण अफ्रिकासँग प्रतिस्पर्धा गर्नु पूर्व उनले आजको खेल सहज नहुने बताएका हुन् ।
‘दक्षिण अफ्रिकी टोली खतरनाक टिममा पर्छ। हामी कसैलाई हलुका ढंगले लिदैनौं। हामी आफूलाई बलियो पार्नेमा अझ बढि ध्यान दिनेछौं। हामीलाई यसैको आवश्यक्ता छ’, कोहलीले भने।
यसैगरी कोहलीले आफ्ना टोलीका महत्वपूर्ण सदस्य कुलदीप यादवले नेटमा आराम्रो प्रदर्शन गरिरहेकाले उनी विश्वकप टोलीमा रहेको बताए।
‘हामीले टोलीलाई सन्तुलन दिने खेलाडीको छनौट गरेका छौं। केदार पनि छन्, उनी नेटमा फर्किसकेका छन्,’ कोहलीले भने।
सन् २०११ मा विश्वकप जित्दा कोहली टोलीका महत्वपूरण सदस्य थिए। सन् २०१५ मा पनि उनले विश्वकप खेले। यसपटक उनी तेश्रो पटक विश्वकप खेल्दैछन्।
उनको कप्तानीमा रहेको भारतलाई यस पटकको उपाधिको प्रवल दाबेदार राष्ट्रका रूपमा हेरिदैं आएको छ।
इंग्ल्यान्डको साउथह्याम्पटनमा भारत र दक्षिण अफ्रिकाबीचको खेल नेपाली समयानुसार दिउँसो तीन बजेर १५ मिनेटमा सुरु हुनेछ । जारी विश्वकपमा भारतको यो पहिलो खेल हो भने दक्षिण अफ्रिकाको यो तेस्रो खेल हुनेछ ।
पहिलो खेलमा इंग्ल्यान्डसँग १०४ र दोस्रो खेलमा बंगलादेशसँग २१ रनले पराजित भएको दक्षिण अफ्रिका निकै संकटमा देखिएको छ । आजको खेलमा पनि दक्षिण अफ्रिका पराजित भएमा उसको विश्वकप यात्रा निकै कठिन हुनेछ ।
यता, भारत भने कमजोर देखिएको दक्षिण अफ्रिकाविरुद्ध स्पष्ट जित हात पार्दै सुखद् सुरुवात गर्ने लक्ष्यमा छ ।
भारत टिम
विराट कोहली (कप्तान), रोहित शर्मा, युजभिन्द्र चाहाल, मेहन्द्रसिंह धोनी, केदार जाधव, कुलदीप यादव, मोहम्मद शामी, केएल राहुल, जस्प्रित बुमराह, शिखर धवन, रविन्द्र जडेजा, दिनेश कार्थिक, भुवनेश्वर कुमार, हार्दिक पाण्ड्या, विजय शंकर ।
दक्षिण अफ्रिका टिम
फाफ् डु प्लेसिस (कप्तान), डेभिड मिलर, डी कक, हसिम अमला, ऐडन मारक्रम, रसिइ भान डेर डुसेन, जेपी डुमिनी, क्रिस मोरिस, कागिसो रबडा, इमरान ताहिर, बेउरन हेन्ड्रिक्स, लुन्गी नगिडी, डवान प्रेटोरियस, तब्राइज शाम्सी र एन्डिल फेहलुकवाओ ।
