काठमाडौं । नेकपा (एमाले)का नेता योगेश भट्टराईले सत्ता र शक्तिमा रहेकाहरूले नै कानुनको उल्लङ्घन गर्ने तर अरूलाई कानुन पालना गर्न उर्दी जारी गर्ने प्रवृत्तिप्रति प्रश्न उठाएका छन् ।
भट्टराईले सामाजिक सञ्जालमार्फत यस्तो टिप्पणी गर्दै सत्ता र शक्तिको दुरुपयोगप्रति असन्तुष्टि व्यक्त गरेका हुन् ।
उनले लेखेका छन्, ‘सत्ता र शक्तिवालाहरू, आफू कानुनको धज्जी उडाउँछन्, कानुन उल्लङ्घन गर्छन्, अनि अरूलाई कानुन पालना गर्न उर्दी जारी गर्छन् । तब कृष्णलाल अधिकारीहरू जन्मन्छन् र मकैको खेती सुरु हुन्छ । त्यसपछि के हुन्छ????’
भट्टराईको यो अभिव्यक्तिमा उनले इतिहासको ‘मकैको खेती’ प्रसङ्गमार्फत राज्यसत्ताबाट हुने अन्याय, दमन र कानुनको दोहोरो प्रयोगविरुद्ध प्रतिरोध जन्मिन सक्ने संकेत गरेका छन् ।
