म्याग्दी । राहुगंगा नदीमा आएको बाढीका कारण राहुगंगा जलविद्युत् आयोजनाको संरचना तथा प्रसारण लाइनका टावरमा क्षति पुगेको छ।
नदीमा आएको बाढीले आयोजनाका विभिन्न संरचनामा क्षति पुर्याउनुका साथै प्रसारण लाइनका टावरमा समेत असर गरेको हो। बाढीका कारण भएको क्षतिको विस्तृत अवस्था यकिन गर्न तथा पुनःस्थापनाको काम अघि बढाउन प्राविधिक टोली परिचालन गरिएको छ।
प्राविधिक टोलीले आयोजनाका संरचना तथा प्रसारण लाइनको स्थलगत निरीक्षण गरी क्षतिको मूल्याङ्कन गरिरहेको छ। मूल्याङ्कनपछि आवश्यक मर्मत तथा पुनःस्थापनाको काम अघि बढाइने जनाइएको छ।
