आइसिसि टी–२० विश्वकप क्रिकेटको सुपर–८ मा पुग्ने सबै टोलीको टुंगो लागेको छ । बुधबार भएको समूह ‘ए’ को खेलमा पाकिस्तानले नामिबियालाई हराउँदै अन्तिम टोलीको रूपमा सुपर ८ मा पुगेको हो ।
समूह ‘ए’ बाट पाकिस्तान र भारत सुपर–८ मा पुगेका छन् भने समूह ‘बी’ बाट श्रीलंका र जिम्बाब्बे छनोट भएका छन् । समूह ‘सी’ बाट इंग्ल्याण्ड र वेष्ट इन्डिज तथा समूह ‘डी’ बाट दक्षिण अफ्रिका र न्यूजील्याण्ड सुपर–८ मा पुगेका छन् ।
सुपर ८ को समिकरण
सुपर–८ को समूह–१ मा भारत, वेस्ट इन्डिज, दक्षिण अफ्रिका र जिम्बाबे छन् भने समूह २ मा इंग्ल्यान्ड, न्यूजिल्याण्ड, पाकिस्तान र श्रीलंका छन् । यी खेलहरू यही फेब्रुअरी २१ बाट सुरू हुनेछन् ।
खेल तालिका
फेब्रुअरी २१ – पाकिस्तान vs न्यूजील्यान्ड
फेब्रुअरी २२ – श्रीलंका vs इङल्यान्ड
फेब्रुअरी २२ – भारत vs दक्षिण अफ्रिका
फेब्रुअरी २३ – वेस्ट इन्डिज vs जिम्बाबे
पाकिस्तान १०२ रनले विजयी
पाकिस्तानले समूह चरणको अनितम खेलमा नामिबियालाई १०२ रनले हराएको थियो । पाकिस्तानले दिएको २०० रनको लक्ष्य पछ्याएको नामिबिया १७ ओभर ३ बलमा ९७ रनमा समेटियो ।
नामिबियाका लागि लोरेन स्टिनक्याम्पले सर्वाधिक २३ रन बनाए । बलिङमा पाकिस्तानका उस्मान तारिकले सर्वाधिक ४ विकेट लिए ।
विश्व क्रिकेटमा निकै बलिया मानिएका अस्ट्रेलिया, अफगानिस्तान समूह चरणबाटै घर फर्किए । नेपाल पनि एक जित र तीन हारका साथ विश्वकपबाट बाहिरिएको थियो ।
