काठमाडौँ । स्पेनिस फुटबल लिग ला लिगा अन्तर्गत बार्सिलोनाले हार ब्यहोरेको छ । गएराति भएको खेलमा बार्सिलोना सेभियासँग १–४ गोलले स्तब्ध बनेको हो ।
खेलको १३ औं मिनेटमा एलेक्सिस सान्चेजले पेनाल्टीमा गोल गर्दै घरेलु टोलि सेभियालाई सुरुवाती अग्रता दिलाए ।
३७ औं मिनेटमा इसाक रोमेरोले गोल गर्दै टोलिको अग्रता दोब्बर पारे । यता, पहिलो हाफको इन्जुरी समयमा मार्कुस रासफोर्डले गोल गर्दै बार्सिलोनालाई १–२ को अवस्थामा ल्याए ।
खेलको ७६ औं मिनेटमा बार्सिलोनाले बराबरी गर्ने मौका गुमायो । रोबर्ट लेवान्डोस्की पेनाल्टीमा गोल गर्न चुके ।
खेल सकिनै सेभियाले दुई गोल थप्यो । ९० औं मिनेटमा जोसे एंगेल कार्मोनाले तथा इन्जुरी समयमा एकोर आडम्सले गोल गर्दै सेभियालाई ४–१ को जित दिलाए ।
हारसँगै बार्सिलोनाले अंकतालिकाको शीर्षस्थानमा उक्लने अवसर गुमायो । टोलिको ८ खेलबाट १९ अंक छ । शीर्षस्थानको रियलको २१ अंक छ भने सेभिया १३ अंकका साथ छैटौं स्थानमा छ ।
