काठमाडौं । अमेरिकी वैज्ञानिकहरुले पहिलो पटक सार्समा विशेष किसिमको म्युटेशन भेटेका छन् । यो म्युटेशन अमेरिकाको एरिजोनामा एक कोरोनाभाइरस संक्रमित बिरामीको नभूना परीक्षणमा पाइएको छ । त्यो नमूना परीक्षणमा भाइरसको जेनेटिक म्याटेरियलको एउटा हिस्सा गायब भएको पाइएको छ ।
भाइरसको जेनेटिक म्याटेरियल हराएको यस्तो घटना २००३ मा सार्स महामारी फैलिएपछि पनि देखिएको थियो । त्यसपछि विस्तारै सार्स महामारी समाप्त हुन थालेको थियो ।
एरिजोना स्टेट युनिभर्सिटीका अनुसन्धानकर्ताहरुलाई विश्वास छ कि यदि ठूलो परिमाणमा भाइरसको जिनोम सिक्वेन्स गर्ने हो भने यस्ता परिणाम अन्य स्थानबाट पनि पाइन सकिन्छ । अहिले भने कोरोनाभाइरस संक्रमणका केसहरु विश्वभर बढिरहेका छन् । अहिलेसम्म लगभग ४६ लाखभन्दा धेरै संक्रमित भइसकेका छन् । ३ लाखभन्दा धेरैको मृत्यु भइसकेको छ । अमेरिकामा लगभग १५ लाख भन्दा बढी संक्रमित भइसकेका छन् । लगभग ९० हजारको मृ’त्यु’ भइसकेको छ ।
डेलीमेलको रिपोर्ट अनुसार वैज्ञानिकहरुले भाइरसमा जुन परिवर्तन देखेका छन् यसबाट मानवमा भाइरस संक्रमण कमजोर हुँदै गएको संकेत प्राप्त हुन्छ । यद्यपि यसको लागि अन्य स्थानको नमूनामा पनि यस्तै किसिमको परिवर्तन देखिनु आवश्यक हुन्छ । सार्स महामारीको क्रममा २००३ मा जब भाइरसको यस्तै किसिमको म्युटेशन बढ्न थालेको थियो त्यसपछि महामारी समाप्त हुन थालेको थियो ।
