काठमाडौँ । घुस प्रकरणमा मुछिएर राजीनामा दिएका निवर्तमान संघीय मामिला तथा सामान्य प्रशासनमन्त्री राजकुमार गुप्तासँग अख्तियार दुरुपयोग अनुसन्धान आयोगले आज मंगलबार सोधपुछ थालेको छ ।
अनुसन्धान अधिकृतको टोलीले घुस अडियोबारे गुप्तासँग सोधपुछ गर्नका उनको अनुसन्धानका थप केही प्रक्रिया अघि बढाउने भएको हो ।
उनको अडियोको नमुना परीक्षण गर्ने अख्तियारको योजना छ । स्रोतका अनुसार, मंगलबार मात्रै उनको अडियो रेकर्ड गरी सामाजिक सञ्जालमा सार्वजनिक भएको अडियोसँग त्यसको परीक्षण गरिनेछ ।
गतसाता कास्कीका प्रमुख मालपोत अधिकृतको सरुवावारे विचौलिया भनिएका एक व्यक्ति र मन्त्री गुप्ताबीचको संवाद बाहिरिएको थियो । उक्त प्रकरणपछि चौतर्फी दवाव झेलेका उनले राजिनामा दिएका थिए ।
