काठमाडौँ । प्रधानमन्त्री केपी शर्मा ओलीले आजको गोरखापत्रले स्वन्तन्त्रापूर्वक पत्रकारिता गरिरहेको बताउनुभएको छ ।
बुधवार गोरखापत्र दैनिकको १ सय २५ औँ वार्षिकोत्सवको अवसरमा आयोजित विशेष कार्यक्रमलाई सम्बोधन गर्नुहुँदै उहाँले यस्तो बताउनुभएको हो । उहाँले राजाको शासनमा राजाको जे इसारा भयो त्यस्तै लेख्नुपर्ने बाध्यता भएको बताउनु भयो । उहाँले देशमा लोकतान्त्रिक गणतन्त्रको स्थापनासँगै गोरखापत्रले पनि कसैको आदेश पालना गर्नुपर्ने अवस्थाबाट मुक्त भएको बताउनु भयो । पुरानो समयमा सम्पादकीय लेख्ने सम्पादकहरुनै सकसमा पर्ने गरेको भन्दै अहिले सरकारले कुनै किसिमको दबाब वा इसारा नगरेको बताउनु भयो । उहाँले पत्रकारले व्रह्मले देखेको कुरा स्वतन्त्रतापूर्वक लेख्न पाउने अवस्था रहेको बताउनु भयो । गोरखापत्रले राणा शासन, राजतन्त्रलगायत विभिन्न उतारचढाव भोग्दै आफूलाई विकास गर्दै अहिलेको अवस्थामा आइपुगेको उहाँको भनाइ छ ।
उहाँले भन्नुभयो, ‘गोरखापत्रले धेरै उतारचढाब देखेको छ । यसलाई झेलेको छ । उतारचढाव झैल्दै यस्ले विकास गरेको छ । अनेक प्रकारका अप्ठ्यारा होलान्, कत्ति गाह्रो थियो होला सम्पादकीय लेख्न सम्पादकहरुलाई ? आज तपाईं के सम्पादकीय लेख्नुहुन्छ ? कुन साइन्सले लेख्नुहुन्छ ? कहिल्यै सरकारबाट यसो लेख उसो लेख भनेको छ र ? इशारा केही गएको छ ? सरकारले त्यता फर्किएर आँखा पन िझिम्क्याउँदैन । इशारा गर्दैन । प्रधानमन्त्रीबाट दबाब र नियन्त्रण केही छैन । आज तपाईंहरु आफ्नो ब्रह्मले देखेको जे सुकै लेख्न स्वतन्त्र हुनुहुन्छ । अलि अगाडि ३० –३५ वर्षसम्म त संकेतले, इशाराले, आकारले प्रकारले कुनै पनि हिसाबबाट राजसंस्था विरोधी हो भन्ने प¥यो भने त उसको चेहरामा झल्किन्थ्यो सरकार ।’
प्रधानमन्त्री ओलीले गोरखापत्रले मानक भाषाको रुपमा नेपाली भाषाको विकास गरेको बताउनु भयो ।
