काठमाडौं । सत्तारूढ नेपाल कम्युनिष्ट पार्टी (नेकपा)का दुई अध्यक्षबिच छलफल भएको छ । प्रधानमन्त्री निवास बालुवाटारमा अध्यक्षद्दय केपी शर्मा ओली र पुष्पकमल दाहाल ‘प्रचण्ड’ बीच छलफल भएको हो ।
शुक्रबार बिहान ११ बजे बालुवाटारमा दुई अध्यक्षबीच १३ गते बस्ने स्थायी समिति बैठक कसरी सञ्चालन गर्ने विषयमा झन्डै दुई घन्टा कुराकानी भएको स्रोतले बतायो।
नेकपामा पछिल्लो समय प्रचण्ड र वरिष्ठ नेता माधवकुमार नेपालले प्रधानमन्त्री ओलीले दुबै पदबाट राजीनामा दिनुपर्ने माग गरेका छन् । ओलीले उनिहरुको माग अस्वीकार गर्दै आएका छन्।
यही विवादको कसरी समाधान गर्ने भन्नेबारे दुई अध्यक्षबीच पटक(पटक कुराकानी भएको छ।
नेकपा स्थायी समिति बैठक साउन १३ गतेका लागि बोलाइएको छ।
