काठमाडौँ । राष्ट्रिय स्वतन्त्र पार्टी (रास्वपा)ले ‘जनयात्रा’ शुभारम्भ गरेको छ । शनिबार चितवनबाट जनयात्रा कार्यक्रमको शुभारम्भ गरिएको हो ।
पार्टीको केन्द्रीय समितिको बैठकले गर्ने जनयात्रा गर्ने निर्णय गरेको थियो । सो अवसरमा रास्वपा उपसभापति, सांसद, केन्द्रीय सदस्य लगायतले भरतपुर– १० को गेष्ट हाउस चौरमा एकमुष्ट रुपमा जनयात्रा शुभारम्भ गरे ।
उनीहरूले घण्टी बजाएर जनयात्रा शुभारम्भ भएको घोषणा गरेका हुन् । आजको यो कार्यक्रममा सभापति रवि लामिछानेले सम्बोधन गर्ने तय भएको थियो ।
तर, शुक्रबार साँझ बुटवल उच्च अदालतको तुलसीपुर इजलासले लामिछानेलाई थुनामा पठाउने आदेश गरेसँगै उनी अहिले प्रहरीको हिरासतमा छन् ।
लामिछानेले पक्राउ पर्नुअघि कार्यक्रम नरोक्न निर्देशन गरेका थिए ।
