काठमाडौँ । १८ औं संस्करणको आईपीएल शनिबारबाट सुरु हुँदैछ । उद्घाटन समारोह शनिबार बेलुका ६ बजेदेखि कोलकाताको इडेन गार्डेनमा हुनेछ ।
यो अवधिमा इडेन गार्डेनमा क्रिकेटरहरुसँगै स्टारहरुको मेला लाग्ने भएको छ ।
उक्त समारोहमा बलिउड अभिनेता वरुण धवन, अभिनेत्री श्रद्धा कपुर र दिशा पटानीले आफ्नो प्रस्तुति दिनेछन् ।
हिन्दुस्तान टाइम्सको रिपोर्ट अनुसार उद्घाटन समारोहमा श्रेया घोषाल, दिशा पटानी, करण औजला, अरिजित सिंह, श्रद्धा कपुर र वरुण धवनले प्रस्तुति दिनेछन् ।
अमेरिकी पप ब्याण्ड वन रिपब्लिकलाई पनि समारोहमा प्रस्तुति दिनको लागि सम्पर्क गरिएको बताइएको छ ।
पप ब्याण्ड वन रिपब्लिकले हालै करण औजला र दिशा पटानीसँग ‘टेल मी’ गीतको लागि सहकार्य गरेको छ ।
साथै आईपीएलको उद्घाटन समारोहमा शाहरुख खान र सलमान खान पनि आउने अपेक्षा गरिएको छ । उद्घाटनको पहिलो खेल कोलकाता नाइट राइडर्स (केकेआर) र रोयल च्यालेन्जर्स बैंगलोर (आरसीबी) बीच खेलिनेछ ।
