काठमाडौँ । आइसिसी यू–१९ महिला विश्वकपअन्तर्गत नेपालले आज आफ्नो समूहको अन्तिम खेल खेल्दैछ ।
समूह ‘डी’ मा नेपालले आज अस्ट्रेलियासँग प्रतिस्पर्धा गर्न लागेको हो ।
मलेसियाको क्वालालम्पुरमा हुने खेलमा अस्ट्रेलियाले टस जितेर ब्याटिङ रोजेपछि नेपालले पहिले फिल्डिङ गर्ने भएको छ ।
सुपर–६ समिकरणमा रहन नेपालले आज अस्ट्रेलियालाई पराजित गर्नैपर्ने दबाब छ । यसअघि समूहका दुई खेलमा नेपाल पराजित भएको थियो ।
पहिलो खेलमा बंगलादेशसँग पराजित भएको नेपालले सोमबार स्कटल्यान्डसँगको खेल एक विकेटले पराजित हुँदै गुमाएको थियो ।
