काठमाडौं । जय ट्रफी पुरुष एलिट कप क्रिकेटअन्तर्गत आज दुई खेल भईरहेको छ ।
वीरगञ्जस्थित नारायणी क्रिकेट मैदानमा मधेश प्रदेश र नेपाल पुलिसबीच प्रतिस्पर्धा भईरहेको छ । पुलिस क्लबले टस जितेर पहिलो फिल्डिङ राजेको छ । मधेशको कप्तानी हरिशंकर शाह र पुलिसको कप्तानी आरिफ शेखले गरिरहेका छन् ।
यस्तै,जनकपुरमा त्रिभुवन आर्मी क्लब र बागमती प्रदेश खेलिरहेका छन् । आर्मीविरुद्ध बागमतीले टस जितेर पहिला फिल्डिङ गरिरहेको छ । आर्मीको कप्तानी विनोद भण्डारी र बागमतीको कप्तानी सन्दीप लामिछानेले गरेका छन् ।
यसअघि भएको उद्घाटन खेलमा पुलिस र आर्मी तथा बागमती र मधेशले ड्र खेलेका थिए । ४ टोली सहभागी प्रतियोगितामा शीर्ष दुईमा रहने टोलीले फाइनल खेल्नेछन् ।
