काठमाडौं । कोरोना भाइरसको संक्रमणबाट पाँच महिने नाबालकको मृत्यु भएको छ । धरानको बीपी कोइराला स्वास्थ्य प्रतिष्ठानमा मोरङ सुन्दरहरैचाकी ५ महिने शिशुको मृत्यु भएको हो ।
प्रतिष्ठान सह-प्रवक्ता डा आशिष श्रेष्ठका अनुसार ती शिशुमा पहिलादेखि नै मस्तिष्कसम्बन्धी रोग थियो। स्वास्थ्यमा समस्या आएपछि उनलाई शुक्रबार बिहान अस्पताल भर्ना गरेपछि उनको कोरोना परीक्षण गरिएदा रिपोर्ट पोजेटिभ आएको डा श्रेष्ठले बताए।
उनको शव व्यवस्थापनको तयारी भइरहेको अस्पतालले जनाएको छ।
