काठमाडौँ । मौसमका कारण धेरैबेरसम्म जहाज आकाशमै होल्ड भएपछि जहाजमा सवार एक यात्रु बेहोस भएका छन् । काठमाडौँबाट नेपालगञ्ज उडेको बुद्ध एयरको जहाजमा ती यात्रु बेहोस भएका हुन् ।
काठमाडौँबाट बिहान ७ः४४ मा उडेको सो जहाज निर्धारित समयअनुसार ८ः४४ मा अवतरण गर्नुपर्ने थियो । तर नेपालगञ्जमा मौसम प्रतिकूल देखिएपछि जहाज आकाशमै होल्ड हुनुपरेको थियो ।
समयमै अवतरण नभई धेरैबेर होल्ड भएपछि ती यात्रु आत्तिएर बेहोस भएको बताइएको छ । उनी उपचारपछि निको भइसकेको जनाइएको छ ।
